Ministër i Ministrisë së Shëndetësisë dhe Mbrojtjes Sociale

Drejtor i Menaxhimit të Buxhetit në Drejtorinë e Përgjithshme të Buxhetit dhe Borxhit Publik në Ministrinë e Financave dhe Ekonomisë

Drejtor i Përgjithshëm i Institutit të Sigurimeve Shoqërore

President i Urdhërit të  Mjekëve të Shqipërisë

Këshilli Administrativ kryen funksionet e mëposhtme:

• Zgjedh, emëron dhe shkarkon drejtorin e Përgjithshëm për shkaqe të parashikuara në ligj;
• Cakton anëtarët e komisionit teknik për hartimin e paketës së shërbimeve shëndetësore dhe të listës së barnave të rimbursueshme;
• Miraton paketat e shërbimit që financohen nga skema e sigurimit të detyrueshëm shëndetësor, të hartuara nga komisioni teknik, të cilat i dërgon në Ministrinë e Shëndetësisë për procedim pranë Këshillit të Ministrave;
• Miraton statutin, rregullat ekonomike, financiare, procedurale, të auditimit e të kontrollit, si dhe rregulla të tjera të brendshme, që ai i gjykon të nevojshme gjatë veprimtarisë së Fondit, në zbatim të ligjit për sigurimin e detyrueshëm të kujdesit shëndetësor;
• Miraton kriteret e lidhjes së kontratave, si dhe kontratat me dhënësit e shërbimeve shëndetësore publike dhe private;
• Miraton raportin vjetor, raportin financiar dhe bilancin vjetor, të paraqitur nga drejtori i Përgjithshëm;
• Miraton projektbuxhetin vjetor të Fondit dhe parashikimin për tre vitet e ardhshme;
• Miraton sistemin e pagave të punonjësve të Fondit;
• Miraton hapjen ose mbylljen dhe shpërndarjen e zyrave vendore të Fondit;
• Miraton numrin e përgjithshëm të punonjësve të Fondit;
• Rekomandon ndryshime në legjislacionin e sigurimeve të detyrueshme të kujdesit shëndetësor dhe ia propozon ministrit të Shëndetësisë;
• Vendos për çështje të tjera, të parashikuara me ligj.