by FSDKSH | Sep 15, 2019 | Aktivitete
Në kuadër të hartimit të draftit të Listës së Barnave të Rimbusuara për vitin 2019 (në vijim “LBR”), njoftojmë se afati i dorëzimit të propozimeve për ndryshime në Listën e Barnave të Rimbursuara është deri më datë 15.01.2019, ora 1630. Pas kësaj date propozimet nuk do të pranohen.
Propozimet për ndryshime në LBR duhet të dërgohen nëpërmjet shërbimit postar. Dorëzimi i propozimeve do të bëhet pranë Fondit të Sigurimit të Detyrueshëm të Kujdesit Shëndetësor, në adresën, Rruga “Sami Frashëri”, Nr. 8, Tiranë, nëpërmjet protokollimit në zarf të mbyllur, drejtuar “Komisionit Teknik të Listës së Barnave të Rimbursuara”.
Materiali shkencor plotësues që shoqëron kërkesën mund të jetë bashkëlidhur, edhe në formë elektronike (CD).
Propozimet, në çdo rast, duhet të jenë sipas formatit të mëposhtëm.
FORMATI I PROPOZIMEVE PËR NDRYSHIME NË LISTËN E BARNAVE TË RIMBURSUARA
by FSDKSH | Sep 15, 2019 | Aktivitete
Fondi i Sigurimit të Detyrueshëm të Kujdesit Shëndetësor njofton subjektet farmaceutike, të cilat kanë kontratë me FSDKSH, që pritet të ndodhë indeksimi i çmimeve të barnave të Listës së Barnave të Rimbursueshme, bazuar në çmimet CIF 2019, të miratuara nga Komisioni i Çmimeve të Barnave.
FSDKSH fton subjektet farmaceutike me kontratë të marrin masat e nevojshme.
Çdo procedurë do të jetë transparente, në raport me qytetarët dhe subjektet me kontratë me FSDKSH.
by FSDKSH | Sep 14, 2019 | Aktivitete
Fondi i Sigurimit të Detyrueshëm të Kujdesit Shëndetësor sqaron se ky institucion nisi procesin e ristrukturimit, për shkak se ndër vite, struktura ishte tejet e fryrë dhe jo eficiente.
Ristrukturimi i Fondit u kthye në domosdoshmëri për arsye se në funksionimin e kësaj strukture kishte detyra e kompetenca të mbivendosura, pra e njëjta pune kryhej nga disa persona në sektorë apo
drejtori të ndryshme, konstatuar dhe nga autoritetet kontrolluese ne raportet e tyre.
Gjithashtu kishte mospërputhje mes përshkrimit të punës dhe pozicioneve të krijuara, çka bënte që shumë pozicione të mos kishin ngarkesë reale pune dhe që struktura të rëndohej artificialisht.
Fondi, garanton se me këtë ristrukturim, jo vetëm nuk është cënuar shërbimi ndaj qytetateve, por struktura është me efikase pasi nuk ka me mbivendosje funksionesh.
Me kuadër të ristrukturimit, Drejtoria e Shërbimeve Spitalore Universitare dhe Kontrollit Spitalor për shkak të kalimit edhe të një pjese të funksioneve të saj pranë drejtorisë qendrore, dhe bazuar në detyrat dhe funksionet që do të vazhdojë të ushtrojë, është emërtuar Drejtoria e Administrimit të Paketave dhe Ekzaminimeve Terciare.
Fondi mbetet i angazhuar që çdo punonjës që preket nga ky ristrukturim të mos cënohet, si dhe të trajtohet në zbatim të plotë dhe rigoroz të Kodit të Punës së Republikës së Shqipërisë dhe akteve ligjore
dhe nënligjore në fuqi.
by FSDKSH | Aug 19, 2019 | Aktivitete
Tiranë – “Lista e re e barnave të rimbursueshme, e cila ka nisur të aplikohet zgjeron gamën e medikamenteve të rimbursuara si dhe diagnozave që mbulon, duke bërë të mundur që 475 mijë qytetarë të përfitojnë barnat me rimbursim”.
Në një konferencë për shtyp, drejtori i Fondit të Sigurimit të Detyrueshëm të Kujdesit Shëndetësor, z. Eduard Ahmeti deklaroi se lista e re përmban 1175 alternativa tregtare, 568 barna alternativë të para dhe 344 principe aktive.
“Në listën e vitit 2018 janë përfshirë 36 barna te reja për diagnoza si insufiçence kardiake, kancer, hepatit C, demencë/alzheimer, diabet, etj. Këto barna, përmirësojnë dhe zgjerojnë trajtimin e pacientëve në shërbimet onkologjike, gastrohepatologjike, endokrinologjike, kardiologjike, psikiatrike, neurologjike etj. Padyshim risi është përfshirja në këtë listë e herceptines, njëra formë e saj, e cila sëbashku me formën tjetër që sigurohet në QSUT arrin mbulimin 100% të nevojave të grave dhe vajzave për trajtimin e kancerit të gjirit”, tha Ahmeti.
Drejtori i Fondit deklaroi gjithashtu se është ulur çmimi i barnave krahasuar me listën e mëparshme:
“Përveç shtimit të numrit të barnave të LBR 2018, vlen të theksohet se çmimet e miratuara janë ulur me rreth 11% krahasuar me çmimet e listës së mëparshme, duke sjellë kështu mundësinë për zgjerimin e listës së rimbursueshme dhe në përfshirjen e diagnozave të reja që më parë nuk ishin mbuluar”, tha drejtori I FSDKSH.
Ndërkohë krahas uljes së çmimit të barnave është rritur vlera e financimit për rimbursimin e barnave. FSDKSH financon rreth 10.4 Miliard lekë për rimburismin e barnave dhe përfitues janë rreth 475,000 qytetarë. Vetëm nga barnat e reja do të përfitojnë rreth 10 mijë qytetarë.
Sa i takon procesit të kontraktimit me subjektet farmaceutike, drejtori I Fondit u përgjigj se “nuk ka asgjë të pazakontë në këtë proces dhe kontratat po lidhen normalisht. Procesi pritet të përfundojë brenda dy javësh”.
by FSDKSH | Aug 19, 2019 | Aktivitete
Në mbështetje të Ligjit Nr. 10 383, datë 24.2.2011, “Për sigurimin e detyrueshëm të kujdesit shëndetësor në Republikën e Shqipërisë”, i ndryshuar, të Vendimit Nr. 124, datë 5.3.2014, të Këshillit të Ministrave, “Për miratimin e Statutit të Fondit të Sigurimit të Detyrueshëm të Kujdesit Shëndetësor në Republikën e Shqipërisë”, i ndryshuar, dhe të Rregullores së Përgjithshme “Për funksionimin e Fondit të Sigurimit të Detyrueshëm të Kujdesit Shëndetësor”, i ndryshuar, Fondi zhvilloi procedurën e rekrutimit për vendet e lira të punës “Drejtor Drejtorie”, “Përgjegjës Sektori”.
Në përfundim të procedurës së rekrutimit, kandidatët fitues janë si më poshtë:
- Për pozicionin “Drejtor Drejtorie” i Drejtorisë së Koordinimit të Informacionit dhe Studimit të Strategjive të Zhvillimit Shëndetësor pranë Fondit, fitues rezulton Znj. Majlinda Demko Gjata, me 76 pikë në total;
- Për pozicionin “Drejtor Drejtorie” i Drejtorisë Ekonomike pranë Fondit, asnjë kandidat nuk kualifikohet;
- Për pozicionin “Drejtor Drejtorie” i Drejtorisë së Rimbursimit pranë Fondit, asnjë kandidat nuk kualifikohet;
- Për pozicionin “Drejtor Drejtorie” i Drejtorisë së Kontrollit pranë Fondit, asnjë kandidat nuk kualifikohet;
- Për pozicionin “Drejtor Drejtorie” i Drejtorisë Juridike pranë Fondit, asnjë kandidat nuk kualifikohet;
- Për pozicionin “Përgjegjës Sektori” i Sektorit të Shërbimit Spitalor, të Drejtorisë së Kujdesit Parësor dhe Spitalor pranë Fondit, fitues rezulton Znj. Marsida Mulaj, me 62 pikë në total;
- Për pozicionin “Përgjegjës Sektori” i Sektorit të Auditimit të Këshillimit, Sigurimit të Cilësisë, Planifikimit dhe Raportimit, të Drejtorisë së Auditit të Brendshëm pranë Fondit, fitues rezulton Z. Shpend Stojku, me 69 pikë në total;
- Për pozicionin “Përgjegjës Sektori” i Sektorit të Programimit dhe Menaxhimit të Databazave, të Drejtorisë së Informacionit dhe Analizës Statistikore pranë Fondit, fitues rezulton Znj. Xhensila Kajacka, me 56 pikë në total
- Për pozicionin “Përgjegjës Sektori” i Sektorit të Suportit Teknik dhe Administrimit të Rrjetit, të Drejtorisë së Informacionit dhe Analizës Statistikore pranë Fondit, fitues rezulton Z. Enea Buzi, me 54 pikë në total
